محوّل الإحداثيات GPS ↔ UTM
حوّل خطوط الطول والعرض (WGS84) إلى إحداثيات UTM والعكس، نقطة واحدة أو قائمة نقاط مرة واحدة.
المرجع: WGS84. الإسقاط: UTM (معامل المقياس 0.9996).
إزاي تستخدم الأداة
- اختار اتجاه التحويل: من خطوط الطول والعرض (GPS) إلى UTM أو العكس.
- اكتب نقطة في كل سطر. ممكن تكتب اسم للنقطة في الأول، مثلاً: P1, 31.2001, 29.9187
- خطوط الطول والعرض ممكن تكون عشرية (31.2001) أو درجات ودقائق وثواني (31 12 0.36).
- اضغط تحويل، وانسخ النتيجة كملف CSV تفتحه في Excel أو AutoCAD.
أسئلة شائعة
أنهي منطقة UTM تغطي مصر؟
مصر بتقع في 3 مناطق: 35 شمال (من خط طول 24 لـ 30 شرق، زي الإسكندرية ومطروح)، و36 شمال (من 30 لـ 36 شرق، زي القاهرة والدلتا والصعيد وسيناء)، و37 شمال (شرق خط 36، زي جزء من ساحل البحر الأحمر وحلايب). الأداة بتختار المنطقة تلقائياً من خط الطول، وتقدر تثبت منطقة معينة لو مشروعك على حدود منطقتين.
هل الأداة بتحوّل لشبكة الإحداثيات المصرية (الحزام الأحمر والأرجواني)؟
لا. الأداة بتشتغل على نظام WGS84 العالمي وإسقاط UTM. التحويل لشبكة مصر 1907 محتاج معاملات تحويل بين المراجع، والأفضل يتعمل بالبرامج المساحية أو تطلبه منا مع الرفع.
دقة التحويل قد إيه؟
المعادلات المستخدمة دقيقة لأقل من مليمتر داخل المنطقة. دقة النتيجة النهائية بتعتمد على دقة الإحداثيات اللي دخلتها: إحداثيات الموبايل ممكن يكون فيها خطأ عدة أمتار، أما أجهزة GNSS RTK فدقتها سنتيمترات.